Torbjørn vert nemnd på Sandven 1 frå 1563 av. Han var lensmann for Øystese skipreide, den fyrste me kjenner i dette embete i Kvam. Han brukar truleg heile Sandven, men åtte berre det halve. Elles åtte Torbjørn ei mengd jordegods kring i bygdene. Med kona si arva han Nes i Varaldsøy. Torbjørn hadde ymse saker fyre vedkomande sitt jordegods, soleis stridest han med presten i Kinsarvik om eigedomsretten til Kvanndal. I 1579 makeskifte han noko jordegods med Nils Guttormson på Torsnes og Jon Hogneson på Mundheim.

Torbjørn var ein rik og mektig mann i Hardanger sine dager og hadde ein leidarstilling mellom bøndene her. I 1591 er han bygdi sin utsending til kongehyllingi på Akershus.