Nemnd i 1594 som vitne i ei sak på Åsheim og like eins i 1597 som vitne på at Svein Rikolsson hadde selt 1 pd. smør i Kvåle til Elling Bleie. Men først frå 1612 er Bård oppførd i skattemanntalet. Han må ha vore tilflyttar til Sponheim, og var kanskje frå Granvin, sidan han og Torbjørn Johannesson Spildo hadde same bumerket. Bård åtte i 1615 ein del i garden Tveit og like eins litt i Sæbø og Skår E., og Rondestveit og i Børve Ull.. I 1620 kjøpte han litt i Bu E.

Lensmann Hallstein Vambheim, Ola Seim, Anve Ljono og Ola Osa var vitne på at Bård vart forlikt med syskenborna sine, Viking på Jørde, Sjur Lid (på Voss) og Eirik Såkvitne om at Bård skulle eiga ned odel 1/2 pd. smør, 2 saueskinn i Bu E.

Bård måtte i 1623 bøta 7 rd. for "ærerørige ord" han hadde brukt i fylla om Magnus Håheim.

Han var ofte lagrettsmann, såleis på Solbjørgo i 1623, Medhus i 1627, Håheim i 1634. Han var i skattemanntalet til 1639.