Nemnd 1597

Haktor/Halvtor kom til bruks etter faren i Ålvik. I året 1597 vart halde skifte etter faren, mellom Haktor og broren Olav. Ved dette skiftet fekk Haktor eigner i I. Ålvik, 1 laup smør, 1 bukkeskinn og åsete her. Dessutan arva han i Hakastad, Ulvik, og Nesheim i same sokn, i Tjoflot og Ytre Bu i Kinsarvik, Selland i Granvin og Midt-Sekse i Ullensvang, Snilstveit i Kvinnherad og Tveit i Tysnes. Vidare arva han jordegods i Bjørke, Osgjerd, Håtveit og Nedre-Fenno på Voss, so Haktor var både rik og mektig der han sat på garden sin. Broren Olav derimot, som var den yngre bror, arva Hallaråker, Djønno i Kinsarvik, Bleie og Midt-Folkedal, Gjerdskvål og Grevle og nokre mindre partar på Voss og i Sunnhordland. Dei siste åri styrde vissnok Haktor Ålvik med rådsmann.“s86“

(Æb. Kvam II s. 688).