(Bakke br. 1)

Kristen har overteke det faren brukte sjølv, ikr. 1690 og er kalla sjølveigar i 1701. Han overtok og sagbruket i Tokheimselva, men det var ikkje lenger stort å gjera der. Han fekk skøyte på Eitrheimstveit hjå mor si 11/7 1713, og han kjøpte også storparten av dei arvelutane i Eitrheim som var utlagde til syskina ved skifte etter faren i 1695, likeins har han kjøpt den halvparten av Eitrheim som då var utlagt til mor hans. Han er i 1721 oppført som eineeigar på Eitrheim. Ved skiftet etter Ola Åmundson i 1726 kravde han åbotsskjøn over husa etter han. I 1701 var Kristen i slagsmål med sjølve lensmannen Per Skjelvik; men etterpå vedgjekk båe at dei hadde vore så fulle at dei ingenting hugsa av det. I 1713 stemnde han Mons Espe for å ha flekt never i skogen hans. Hans skifte garden mellom dei to sønene Jakob og daniel, og det er frå no av me kan tala om regelrett bruksdeling på Eitrheim. Og etterkomarane hans folka ikkje berre heile Eitreheim, men breidde seg over heile bygda.