Jan vaks opp på Skeie, men var fodd på Skjelnes. 1 1688 fekk han skøyte å Trettelaupen av Skeie-Nitun som Steingrim Nilsson laut gå ifrå. Han dreiv handel med fe og sende slakt til byen og stod seg godt på garden. Jan var mykje for seg og let ikkje nokon trå seg på tærne. Men det ser ikkje ut til at han tok so mykje omsyn til andre. Soles ligg han i stendig strid både med grannar på garden og med grannegardane om beiting. Serleg var Rosselandsmennene sette av alt det geitskramet som han slepte i sams beite og som snøydde beiti fyrr andre fekk koma til. Ein gong hadde dei jaga inn ein flokk beist for han og krov vederlag for skade dei hadde gjort. Men Jan kom og tok dei utatt med vald. Tilsist laut han endeleg bøygja seg for rettens avgjerd og gjeva kjøp.

(Kvam, Skeie 180a, 181)
https://www.nb.no/items/2b410be0118c382f2cd4d7fb88459e13?page=367