Hallgeir er komen med som brukar på Kjosås i 1628. Han har då truleg teke yver mori sin lut av garden, eller helvti. I 1647 skatta han av 1 l. smør, 1/2 l. salt og 1 bukkeskinn. I 1657 fostra han saman med sonen Sjur. 2 hestar, 22 naut og 30 sauer. Dei fleste år var tienden på garden 4 mæler. Hallger var fl. g. lagrettemann, soleis i 1666 då tiggarkvendet Geirtrud Siffuersdatter frå Sogn vart dømd til å missa hovudet under øksi for sitt lauslynte liv. I 1668 stemnde Lars Torlakson i Vikøy Hallgeir til å betala landskyldi av Laupsa for det året kona hans sat som enkja på denne garden. Hallgeir synest å ha stende seg godt. Han åtte jordegods i Hovland og Langeseter i Sørfjorden saman med Oddmund og Torgils Aga.

(Kjosås 110b, Kvam II)