Lars var komen til bunads på Tveit i 1638 og brukar heile jordi der, 2 l., 1 1/2 sp. smør og 6 saueskinn. Av dette åtte han sjølv 1 laup, 1/2 sp. smør og dei 6 saueskinni. I 1657 fostra han 1 hest, 20 naut og 5 geiter, og i 1666 svara han i tiend 4 mæler. Lars var ein velhalden mann, og vyrd og velsedd i bygdi. I 1660 åri er han kyrkjeombodsmann. I 1664 gav han ut av kyrkjekassa 1 rdl. til “Haldens Kirkes gjenopbygning”. Han let og Øystesekyrkja få ei større omvøla. Soleis let han leggja opp 5600 spon på nordsida av skipet og 1700 spon på korbrostet, og so let han kyrkja tjørebreda med 5 tunner tjøra og sette in 3 nye vindaugo i skipet. I 1667 let han den nye presten, hr. Elias få 6 rdl. av kyrkjekassa for å dra til Bergen og søkja sin collats. Dessutan hadde han etter “høye øfrigheds befal” late kosta eit nytt stort lås for kyrkjedøri. (Venteleg det same som framleis er å sjå på døri i Bergens museum.) Lars er fl. g. nemnd som lagrettesmann.

(Tveit Ø. 108 d)“s86“