Enke i 1659.

Mari Roegenes hadde bruket (Røykenes 1) i 1659 og er fyrste brukaren som me finn nemnd her. Mari var ekkja då og so fatig at ho betalte ikkje skatt. Mannen åt Mari heitte Mikkjel, og ho hadde tvo søner. Kva tid Mikkjel og Mari kom til Røykenes veit me ikkje, og me hev heller ikkje noko greida på kvar dei kom frå. Kannhenda hadde dei, som so mange av som tok upp nye bruk, havt gard ein stad men mist denne då dei ikkje greidde seg der. Røykenes er ikkje nemnd ved krøterteljingi i 1657, og dette tyder på at Mikkjel og Mari um dei var komne til garden då, iminsto ikkje hadde fenge seg buskap. At dei alt nokre år etter, i 1668, kunde fostra 4 kjyr syner at Røykenes fyrr hadde vore ein rydja og bygd gard som var lett å ta upp att.