Nils vart brukar etter faren i 1793. Av 6 barn vokste 3 opp.

Nils dreiv med sjøen likeins som faren. Alle husi åt nils brann upp i 1800, men han arbeidde seg snøgt uppatt og vart ein av dei likaste bøndene i bygdi. Då Norigs bank vart skipa i 1816, gav han 6 sylvdalar som innskot i banken.

Dotteri Sesilia vart i 1823 trulova med Hans ytre Tuen, som nett var vorten ekkjemann, og flutte heim til festarmannen. Ho fekk då 10 spd. av faren for å løysa inn eit sylvbelte som Hans hadde sett i pant. Hans tok imot pengane og løyste inn sylvbeltet, men so sende han gjenta heim att til Bø og gifte seg med ei onnor same året. For dette tok Nils Bø han for retten.