Ho var av velstandsfolk, og har truleg hatt ei bra heimanfylgje med seg då ho kom til gards.

I skiftet etter henne er det av sylvsaker: 1 ugylt belte med 19 store og 5 små stølar og sprotte og sylgje, 1 staup, 3 skeier, 1 agnestei med forgylt dalar, 1 snor med nål, 2 ringar, 2 spenne. 1 messing ljosestake, 3 tinnfat, 3 koparkjelar. Gangkleda åt Kari var: 2 stakkar, 5 trøyer, 5 linskjorter, 2 stryskjorter, 4 linhuer, 1 blått forkle med svarte snorer, 1 do, med raude og kvite snorer, 1 blårandut forklede og 1 kvitsaumsforklede, 1 par svarte hoser. Der var 1 gamalt svensk åklede og 3 andre åklede, 3 par kvitar. Buet åtte ein åtrinsbåt med segl, verdsett til 9 rdl. Krøtera var verdsette til 27 rdl. Nettoeiga i buet var 82 rdl. 3 m. og 6 sk.