Kalla “Unge Ola Larsson”, frå Vik i Jondal, son til kaksen Lars Halldorson Vik (Bd. Jondal s. 666). Han er oppførd saman med Isak Larsson på br. 2 i 1647. Litt Børve-gods har han arva etter kona si, og seinare har han kjøpt hjå Johannes Eike. Han var ein trettekjær mann og arma seg helst ut på saker. Så seint som i 1703 hadde han gåande sak med bror sin om ein koparkjeil. Han åtte i 1680 1 lp. smør, 1 hud i Måge, omlag like mykje i Handagard i Jondal, 1 lp., 12 mrk. smør i Apold og mindre partar i Buer, Trappetun (Sekse) og Edna. I 1682 måtte han avstå Måge for skuld til versonen Samson Kvitno. Han flytte då til Handagard, men frå 1694 bur han på Apold i Odda.