1630 heiter brukaren Knut Jonsson. Han betaler full skatt.

1638 finn me to brukarar, og kvar av dei betaler halv skatt. Båe heiter Knut Jonsso, og i kjeldene frå åra etterpå vert den eine kalla gamle-Knut og den andre unge-Knut eller vesle-Knut. Aldersskilnaden mellom dei er likevel ikkje meir enn 3 år. Det synes mest rimeleg at dei må vera brør, og at dei har delt garden etter faren Jon. Knut som var brukar sist på 1500-talet og fyrst på 1600-talet, var truleg farfar deira. Bruka åt gamle-Knut og unge-Knut var jamnstore. Skylda var 1/2 laup smør og ei hud på kvart bruk, og fånaden åt kvar av brukarane var 1 hest, 1 ukse, 10 kyr, 4 kvige, 12 geiter og 10 (12) sauer.