1802 skøyte til Tomas på halve bnr. 4. 1810 fekk han skøyte på resten av bruket. 1811 gav han føderåd til verbroren Knut, son åt den førre brukaren. Tomas var frå Ytre-Boge bnr. 1.

1826 let dei garden frå seg til eldste sonen og tok kår. 1837 utvandra dei til USA saman med yngste sonen Nils. Dei var i den fyrste flokken av utvandrarar frå Bruvik sokn. Ferda over havet gjekk med seglskipet “Ægir”.

Tomas og huslyden let ikkje høyra frå seg etter at dei drog frå landet. Seinare vart det kjent at dei døydde i Ellinoers ein av dei fyrste vintrane dei var i USA.