(Simonson Gripne?)

Johannes vart først gift med Agate. Dei var husmannsfolk i Våge 1645 (kopp-skattemanntallet), men overtok etter Johannes omlag samstundes. Johannes var kan hende ein farbror av unge Johannes, og truleg son av Simon Gripne. Simon var sidan husmann/strandsitjar i Våge, sjå plass Vågsneset. Johannes var postbonde. Agate kan ha døydd alt kring 1650, og Johannes ha gifta seg opp att. Det er eit stort sprang i alder mellom nr. 1 og 2. av barna. Andre kona kan ha heitt Judita. To av sønene hadde døtre med dette namnet. Johannes vart, saman med grannane i Våge og andre karar, stemna 1647 for ikkje å ha vilja skyssa slottsherren frå Humlevik til Ljostveit (Ølve). Johannes hadde bruket fram til slutten av 1670-åra.