Tvo born døydde unge. Han var ein drivande kar som var mykje ute på fiske. Han fekk ikkje noko av faren, men lånte pengar, kjøpte gode fiskegreidor og arbeidde seg godt fram. Av fiskegreidor hadde han m. a. ei drivnot verd 40 dalar, hevti i ei kastenot verd 13 daler, 4 torskegarn, ei mengd sildegarn og andre reidskaper. Når me veit at verdet av ei ku då var 4-5 dalar, skyner me at dette var verdfulle fiskegreidor i dei tider. Då Hans eit år gjorde godt fiske, kjøpte han eit sylvbelte til kona for 12 dalar, ikr. 3 kuverd. Hans satte ogso upp ei kvern i Nordstrøneelvi, men han hadde ikkje tid å sjå etter kverni, og i 1785 var ho “kassert” som skattegrunnlag.