Johannes budde fyrst nokre år på Gjerdsneset og brukte noko av farsgarden attåt. I 1865 og 67 er han uppført som brukar av ein garspart som faderen åtte, og der forstra han då 1 hest, 5 malkekyr, 2 ungnaut, 14 sauder og 8 geiter, og sånaden var 1 1/4 t. havre og 2 1/2 potetor. Sidan vart farsgarden skift millom honom og broderen Samuel soleis, at Johannes fekk hovudbruket, som då fekk ei skyld av 2.54, og i 1890 var han sjølveigar her, der han då fostra 5 malkekyr, 2 ungnaut, 14 sauder og 12 geiter, og sånaden var 2.5 hl. havre og 3 hl. potetor. Etter han let hovudbruket til dotteri, budde han på Bøen. Han tok undan den parten av husmannsplasset som låg under hovudbruket og noko av innmarki som låg inn til plasset. Hovudbruket hadde då att ei skyld av mrk. 1.82.