Hans vart brukar her i 1611. Han var ikkje nokon ung mann og hadde truleg havt gard annanstad fyrr han kom til Bø. Kona hans heitte Kari. Hans var velstandsmann, og etter skatten å døma var han den næst beste bonden i Os på dei tider. Saman med grannen reide han ut Jakob Bø i 1611 og Mikkjel Bø i 1612, då dei skulde fara til Svinesund for vera med i Kalmarufreden. Um nokon av dei var sønene hans, veit me ikkje (Se Os III, Bø br.3).