“Mons vart i juni 1713 utskriven til det sunnfjordske reservekompani til Den store nordiske krig. Han deserterte, men vi veit ikkje om det vart sett i gang rettsforfølgjing av han då han kom heim. Tingbøkene er svært mangelfulle desse åra, og vi har dermed ikkje høve å spore dette opp. I alle fall levde Mons til ca 1737, det året vart halde skifte etter han.

Ei gammal historie som er fortald om Mons er at då han merka døden nærma seg, sa han til Kari, eldstedottera, at ho fekk sjå å finne seg ein dugande mann. då svara Kari: “Ei andre skal kome her, enn dei som alt er her.” Og såleis vart det for Kari at ho gifta seg med drengen Nils Jonsson. Som vi ser ut frå kjeldene kan denne soga vere sann.”