Nils var fyrste brukaren på Fossmark Bnr. 1 etter at garden var delt i to jamstore bruk på 1650-talet. Nils var lagrettemann i Arna skipreide 1646-1654. Men 1655 vart han sjølv stemnd for retten fordi han hadde halde bryllaup fleire dagar enn det som var tillate. Dette må ha vore eit bryllaup som Nils heldt for eitt av borna sine. Det var truleg eldste dottera, som me ikkje kjenner namnet åt, men som er nemnd i kopskattemanntalet 1645. Kona åt Nils heitte Sigrid. Ho er nemnd i manntalet 1645 og er oppførd som brukar 1661. Sigrid må då ha vore enkje.