f. Myster br. 3
http://vaksdalhistorielag.org/wiki/index.php?title=Myster#BRUK_3.2C_BORTELUTEN

b. Stornes

Storneset ligg på sørsida av Eidsfjorden, tett ved grensa mot Hesjedal. Innanfor neset ligg Juvikjæ. Ovanfor er det ei stor urd som dei kalla Storajuvikuræ. Noko høgre oppi lia ligg Vommæ eller Vommaglyfso. Her syner det enno merke etter tufter. Fyrste gongen ein høyrer gjete at her budde folk var i manntalet 1666. Der str det: ”Stornæs Nylig optagen”. Mannen som hadde busett seg her heitte Endre Eirikson og var då 30 år gamal. I Brørvik, som ligg på hi sida av fjorden, har segna om han Endre halde seg heilt fram til vår tid. Dei kalla han Endre i Vommene og meinte at det var ein framandkar som hadde kome dit og slege seg til. Han hadde nausttuft i inste Juvikuræ og måtte gå på skrå tvers gjennom heile Storajuvikuræ når han skulle ned åt fjorden. Han var visst ikkje særleg godt lika av bygdefolket. Dei meinte at han stal beist, som han fanga med fotonglar. Segna seier at bygdefolket visst samla seg og jaga han derifrå til slutt.

I dei skriftlege kjeldene frå siste halvpart av 1600-talet og byrjinga av 1700-talet finst det noko meir opplysningar om Endre og huslyden hans. Det synest vera truleg at han ikkje var utabygding, men kom frå Myster bnr. 3. Kona, Brita Olsdtr. f. om lag 1643 d. 1715, var kanskje frå Eide.

http://vaksdalhistorielag.org/wiki/index.php?title=Myster#STORNES.

5 barn