b. Århus 2 (120), Vikøy, Kvam
https://www.nb.no/items/URN:NBN:no-nb_digibok_2018032048017?page=613

Olav var komen til bunads på Århus i 1634 og vert då kalla øydegards-mann. Han er leiglending, og styrer ⅓ av Århus. Ågota Sandven eller Tveit rådde bygselen, og Nils Guttormson Skeie åtte landskyldi. Seinare kjøpte Olav denne. Det galdt 1 laup smør. Seinare er skyldi komi i 1 laup, 1 pd. Olav må ha vore ein mann som var godt for seg, og han hadde ofte tillitsyrke mellom bøndene i Kvam. I 1647 vitna han soleis på fjordungs-tinget korleis det stod til med dei økonomiske tilhøve i bygdi. I 1656 er han kyrkja sin ombodsmann og tek da imot rekneskapet for kyrkja hjå arvingane etter hr. Torlak og dei kyrkjemidlane han hadde rådd yver. Han let og setja inn eit vindauga på søre sida åt skipet i kyrkja. Enda i 1684 sit Olav med helvti av garden til deling med sonen Hans.