Petersen var son til ein teglverkseigar. Sjølv gjekk han i 1875-76 ein fagskule i tekstilindustri i Limbach i tyske Sachsen. Han flytta så til Bergen og grunnla i 1879 J. & C. Petersen trikotasjefabrikk på Hop i Fana, eit firma han og eit syskenbarn dreiv til 1886. Året etter vart han direktør i det nystarta aksjeselskapet Petersen & Dekkes trikotasjefabrikker i Bergen. I 1896 starta han opp ein sjølveigd kjoletøyfabrikk i Eidsvåg i Åsane, den fyrste i sitt slag i Noreg. Seinare grunnla han filialfabrikkar i Sverige.

Petersen var medlem i bystyret i Bergen 1898-1901 og 1913-16. Valperioden 1922-24 representerte han Bergen by og partiet Høgre på Stortinget, der han var medlem av Tollkomiteen.

Han var medlem i tolltariff-kommisjonane av 1903 og 1915, samt i fossefall-kommisjonen av 1911. Formann 1906-12 i Bergens Haandværks- og Industriforening.

Kilde:
https://www.wikiwand.com/nn/Christian_Petersen

https://nn.wikipedia.org/wiki/Christian_Petersen

https://www.wikiwand.com/nn/Pedek

http://www.ytrearnamuseum.no/innsikt/

https://www.bt.no/nyheter/lokalt/i/gWbX3B/her-starta-eit-norsk-industrieventyr