“Bruk 2. Bokkatun. Olav Torbjørnson, g. m. Gjertrud Sjursdr., syster åt Torgeir Sjurson Hylle, fekk skøyte i 1706 frå Laurits Miltzow på 2 laup i Bokkatun. Olav var stemnd til tings i 1709 for di han hadde fått barn med Anna M. Egdetveit, som hadde tent hjå han i tri år. Mor hennar var halvsyster åt kona hans Olav. Både han og Anna vart dømde til dauden, men «om det skal ske med halshuggelse eller annen naadigere og mildere straf paa livet indstilles til hans majestæts dispensation». Olav og Anna sin eigedom skulde gå til kongen. Olav og Gjertrud hadde fire born. Ho Gjertrud sa upp bygsli i 1713 på 2 laup 2 pund for at Arnfinn Åmundson Mo'o skulde få bygsla det. Ho fekk i kår 1 mål «sæd» av ein medels åker, eit kyrafoster og to smalafoster. Gjertrud døydde 1728, 59 år gl. Arnfinn var g. m. Sigtru Monsdr. og dei fekk i 1714 sonen Knut.”

Kilde:
https://www.ullstad.com/vossaboki/bokkatun.php