Hans Jonsson bygde mange hus på garden fordi mange av dei gamle var forfalne. Først sette han opp stabbur i 1817. Bruraloft vart sett opp i 1831 då dottera nærma seg gifteferdig alder. Så kom to fjøsar i tunet og til slutt Storeløa med metertrukk steinmur under slik at han her hadde saue- og geiteflor under løegolvet. Grunnen til at vi veit årstala er at Hans skar inn årstall og førebokstavar i alle husa han bygde på betar og bjelkar. Men han var sjuk då årstalet 1838 var påsett løebeten, og han døydde året etter 50 år gammal.