Plasset Skottabakken høyrde til farsgarden hans Olav, og han fekk kjøpa plasset hjå broderen. Då plasset vart utskild som eige bruk, gav han det namnet “Fredenlund” og gløymde, som so mange andre, at plasset hadde eit gamallt godt namn fyrr, og i dette høve knyter der seg enndå til historiske minne fyr bygdi til det gamle namnet, som difyr ikkje bør gløymast. Han var busitjar her i 1900, og døydde i 1910. Bruket vart kjøpt i 1909 av Samnanger kommune til klokkargard.