Bård bygsla farsbruket i 1729.

Eit par tvillingar og eit einskildbarn døydde tidleg. Bård sat tolleg godt i det, dreiv lite med sjøen, men stellte garden godt. Han var jamt bruka som stemnevitne for Lysekloster.

Då Bård døydde hadde garden desse husi: Ei røykstova med skot, timbra kove og tvo svaler attåt, ei sengebud med ei sval på langsida og ei sval i gavlen, eit eldhus med ei vedskytja bygd attåt søre gavlen, ei løda, eit fjos med ei stor sval bygd attåt, og ein skinflor. Alle husi var i framifrå stand, og det var eit av dei best bygde tun i Lysefjorden.