I bygdesegnene går Berge Larsson Brattabø under tilnamna “Brattabøkongen” og “Brattabøbjørnen”. Det siste tilnamnet skal han ha fått fordi han drap ein bjørn i Tørvikbygd med sverd. Han må ha vore ein spesiell mann, men det er ikkje så mykje å finne om han i skriftlege kjelder. Johannes Aga karakteriserer han slik i Slægttavler og væsentlig vedkommende Ullensvang (1878): “rig og storslagen”. Lokalhistorikaren O. Olafsen har skrive ikkje særleg målåte om han at det “var sandsynligvis Birge Brattabø, som gjorde Jondal til den bygd, som den i den senere tid like ned til vore dage har vært.” Han skal ha drive stort som forretningsmann, med eige farty og sagbruk. I 1667 vart han stemna av futen fordi skipet hans ikkje var meldt til tollvua i Sunnhordland. I 1670-åra kjøpte Berge i lag med Johannes Vik mesteparten av det godset Munkeliv kloster hadde eigd i Jondal, totalt om lag 10 laupar smør, mellom anna garden Svåsand, som dei delte. Han hadde også part i mange andre gardar, noko borna hans fekk nyte godt av, og han hjelpte andre til å kjøpa gardane sine i denne tida, truleg ikkje minst for å erta frenden sin i Vik i Jondal, den småskorne lensmannen Johannes Vik. Elles lånte Berge ut mykje pengar til Galtungane på Torsnes mot pant i jorda deira. I 1689 kunne han såleis kjøpe ut siste rest av den garden han sjølv sat på, då det vart tinglyst ein “transport” frå Johan Galtung på 1 laup og 2 pund smør i Brattabø. Berge var lagretteman og kyrkjeverje i Jondal, liksom far sin.

Mer om Børje i Gards- og slektssoge for Jondal Kommune av Gaute Losnegård s. 450.

---
Om “Bratteböekongen” Börje Larsson n. her i 10. ledd linje 106-110 nedenfra kan læses i Fusa Saga IV s. 671-672-673 samt i Olav Kolltveits Jonsdal i gamal og ny tid, bind 2. Gards og Ættesoga. (1 og 2 i samme bok). (Fusa III 73 - IV 671/72)

---
O. Olafsen nemner dessutan (tidsskriftet “Hardanger” 1931) døtrene Helga, g. m. Endre Samsonson Trå i 1691 og Guri, g. 1 m. Aslak Olson Trå 1690, g. 2 m. Mikkel Olson Tveit 1701.“s77“